Popjelnica kapłana Alojsa Andrickeho bu sobotu, 5. februara 2011, swjatočnje do katedrale w Drježdźanach přenjesena. Něhdźe 3.000 ludźi so na tym w sakskej stolicy wobdźěli.

Wobšěrnje wopisuje to Katolski Posoł w swojim wudaću z 13. februara 2011 (PDF).

Fota přenjesenja popjelnicow:
http://www.posol.de

Dalše informacije wo přenjesenju popjelnicow na stronje biskopstwa w němskej rěči:
http://www.bistum-dresden-meissen.de

Wjace hač 50 serbskich družkow je so spočatk februara 2011 bamžej Benediktej XVI. w Romje podźakowało, zo je z připóznaćom martrarstwa kapłana Alojsa Andrickeho jeho zbóžnoprajenje zmóžnił.

Pod nawodom fararja Měrćina Deleńka podachu so młode holcy z hotowarničemi wot 31. januara do 4. februara 2011 na putnisku jězbu do wěčneho města.

Wobšěrnje wopisuje to Katolski Posoł w swojim wudaću z 13. februara 2011 (PDF).

Fota putnikowanja:
http://www.posol.de

PROCES ZBÓŽNOPRAJENJA

• Biskop Joachim Reinelt je na putniskej božej mši dnja 2. julija 1998 w Róžeńće informatiwny proces k zbóžnoprajenju Alojsa Andrickeho zahajił. Wjele wěriwych wobdźěli so na tutej božej mši, kotraž so tež originalnje w rozhłósu MDR wusyłaše.
• Vatikanski postulator zbóžnoprajenskeho procesa Alojsa Andrickeho, dr. Andrea Ambrosi, přepoda 6. meje 2003 w Drježdźanskej katedrali biskopej Reineltej "Positio super martyrium" (Poziciju wo martrarstwje).
  (Hlej Katolski Posoł z dnja 11.5.2003, strona 130; tu jako *.pdf-dataja).
•  Bamž Bendedikt XVI., je 10. decembra 2010 martrarstwo kapłana Alojsa Andrickeho připóznał. Tuž smě wón swjatkownu póndźelu, 13. junija 2011, w Drježdźanach zbóžnoprajić. Wjace k tomu w Katolskim Posole z 19. decembra 2010.