PRÓSTWY

Knježe Jězuso,
z Tebje je Twój měšnik Alojs Andricki
čerpał móc, će mužnje wuznawać.

Tuž će prosymy:

• Posylnjej w ludźe božim wěru do Tebje.
• Daj nam Tebje
  w swjatym woprawjenju
  hódnje a dostojnje přijimać a česćować.
• Spožč swojeho Ducha wšitkim w cyrkwi -
  dźěćom, młodostnym a dorosćenym -,
  zo bychu japoštołsce skutkowali.
• Budź bliski poćeženym a přesćěhanym.
• Zdźerž naš lud w swojej miłosći.
• Wusłyš wšitkich kotřiž Alojsa
  wo zastupnistwo pola Tebje proša.
• Smil so nade wšitkimi woporami
  njesprawnosće a namocy.

Přetož Ty, Jězu Chrysće,
sy překrasnjeny w swojich swjatych.
Z nimi chwalimy a sławimy přez Tebje
Wótca w jednoće Ducha Swjateho
wěki na wěki.

Amen.